في زمن اختلت فيه الموازين واختلفت به المقاييس
كثيرا ما نري تساهلا عظيما في اشياء كنا نعدها طرفا مهما
من اطراف حياة الانسان
وجانب مؤثر من جوانب تفكيره
اصبحت اللامبالاه شيء لذيذ
والبرود احساس جميل
والتنفيض رد فعل اساسي
وكله بقه عند الناس
عاااااااادي
بنت مش محجبة وتقولك
عاادي هي يعني المش محجبة مش محترمة
لا معاذ الله
مشاكل اختلاط مالية الجامعات !!
عاااادي دول اخواااااات
وماما نظامها ايه ؟!!
لا ماما عاااااااادي
شاب تايه يائس لا عارف حاجة عن بلده ولا اللي بيحصل فيها
وعااادي
اصله بيحلق للحوارات دي
وبعدين نلاقيهم
غرقي علي سواحل ايطاليا !!
وعادي اصل مش بيعرفوا يعوموا
اطفال وشهداء بيموتوا كل يوم في فلسطين !!
. عادي ما هم بقالهم سبعييييييييين سنه كده
حصار وموت بالبطيء !!
. عاادي يا مان هم بيصرفوا نفسهم
ويحسسني ان انا بسأله علي لبن البدرة بتاع كريم ابن اخته
ده شعب بحاله يا نااااس
فتن مالية العراق !!
. برده عادي اصلهم شيعه وسنه طبيعي تحصل فتنه
تهديدات بضرب سوريا !!
. عادي علشان علاقتها بايران
علي اساس ان ايران دي دولة كافرة مش مسلمه
ارتفاع الاسعار واحتكار السلع وانتشار بطالة ومشاكل السكن !!
. كل ده عادي ومش موجود في مصر بس
ده موجود في دول كتيير
العتبة وميدان عابدين والجيزة
انتشار المرض الخبيث وتكدس المستشفيات بالاف الحالات !!!
عااادي ده قدر ومكتوب
وملوش علاقة خااالص بوزارة الزراعه
الاكل والميه مفهمش اي مشاكل وفي منتهي النقاء
والفيلتر بتاعنا يشهد
انتهاك حقوق الانسان وسلب الحريات وتكميم الافواه
بقي عااادي جدا
ضرب واعتقال وفصل طلاب وطاااالبااااات !!
برده عادي هم اللي بيجبوه لنفسهم
موظفين مش بيقبلوا رشوة ولا حتي هدية بيمسكوها باديهم
عاااادي
بس متنساش تحطها في الدرج قبل تمشي
الكورة اللي حاسس انها هتقسم البلد نصفين نصف اهلاوي ونصف زملكاوي!!!
ناقص كمان يطلع واحد اسمعلاوي ويقولك هاوحد القطرين
وعااااادي
خلاصة الكلام
عن انس رضي الله عنه قال"انكم لتعملون اعمالا هي ادق في اعينكم من الشعر كنا نعدها علي عهد رسول الله من الموبقات "رواه البخاري
الموبقات يعني المهلكات
يا رب يكون المعني وصل
14 comments:
ويحسسني ان انا بسأله علي لبن البدرة بتاع كريم ابن اخته
حلوه الحته دى
فعلا بقى فى سلبيه
كبييييييييييييييييره أوى فى الناس
وبقى ناخد على قفانا وعاااااااادى
ربنا يسترها
السلام عليكم ورحمة الله وبركاته
بص يا شاهد خير الكلام ما قل ودل
كل سببه
البعد عن الله سبحانه وتعالى والبعد عن الدين
هو ده سبب كل المشاكل اللى بنعيشها دلوقتى
يبقى دلوقتى عشان تعالج اى مشكله من دى
لازم ترجع لسبها الرئيسى
جزاك الله كل خير
فعلا ان الله لا يغير ما بقوم حتى يغيرو ما بانفسهم
السلام عليكم ورحمة الله وبركاته
شكلي هحب المدونة دي زي مدونة الجنرال
أسلوب حضرتك في الكتابة جميل جدا
والسلبية فعلا بقت شعار الناس كلها
وبعد كده نزعل على اللي بيحصل
لا احنا نستاهل
عاااااااااااادي
وربنا يستر
اخت بنت القرأن
كلام مظبوط
وفعلا الواقع بيقول ان احنا بناخد علي قفانا
بس عادي يعني
مش جديده
حسام الدين
وعليكم السلام ورحمةالله وبركاته
انت جبت الخلاصة والله يا ابني
ربنا يهدينا جميعا
اخ مسلم افم ام
جزانا واياكم
شهيده الاقصي
وعليكم السلام ورحمة الله وبركاته
شاكرين لحضرتك علي الكلام الجميل
فعلا عندك حق
بس مش كله الناس كل الناس يعني
لسه فيه ناس فيها الخير برده
عااااااااادي
"كلا بل ران على قلوبهم ما كانو يكسبون"
عااااااااااادى
نفسى أفهم إيه اللى مش عااااااادى فى اللى قلته
والله كلام رائع ياولد ياشاهد
فعلا كل بقي عادي والدنيا بقت ماشية كلها كده عادي
اهنيك ياعزيزي
"إستخف قومه فأطاعوه"
وقالو عاااااااااااااااااااااادى
تدوينة رائعة يا شاهد
ماي
صدق الله
شاكرين لمرورك يا مان
دكتور حماس
طبعا كله عادي
مفيش مشاكل خااالص
هو حد قال حاجة
حيدراااا
شكرا يا عزيزي
شاكرين ع المرور يا ولد يا حيدراا
حمساوي
عندك حق يا ابني والله
منورنا يا مان
عايزين نشوفك علطول
انا كاتب عادى
فى النيك نيم بتاع المسنجر برضع
شاب فقري
منور المدونه والله
انا دخلت مدونتك يا ابني
جااامده بجد
عايز تتواصل معايا ع الماسنجر علشان انا اول مره اقابل حد من المنصورة
ربنا يكرمك
إنها سلبية وأنانية مفرطة لا يشعر بها صاحبها، وقد صدق ربي إذ وصف أناسا من أهل السبت بأنهم قالوا "وإذ قالت أمة منهم لم تعظون قوما الله مهلكهم أو معذبهم عذابا شديدا".. فئة منهم قالت عاااادي واحنا مالنا، ربنا سيعذبهم أو سيهلكهم، ولكن إلى كل هؤلاء يجب أن يعلموا أن الفئة الناجية كانت كما يقول الله تعالى "أنجينا الذين ينهون عن السوء".. هؤلاء هم الناجون.. هؤلاء هم الناجون.. هؤلاء هم الناجون.. فالزموهم
مدونة رائعة أخي الكريم شاهد حق ثبتك الله بالقول الصالح في الحياة الدنيا وفي الآخرة
إذا كان الأمس ضاع ...فبين يديك اليوم
وإذا كان اليوم سوف يجمع أوراقه و يرحل ..فلديك الغد
لا تحزن على الامس... فهو لن يعود ولا تأسف على اليوم...فهو راحل
واحلم بشمس مضيئة ...فى غد خميل
Post a Comment